معاناة قزم

السلام عليكم ورحمة الله وبركاته ..

أما بعد أنا حالتي حاله .. ومعاناتي لاتقف عند أي حد ..
شوفوا وشي .. وتحمدوا ربكم على العافية ..
بصراحه طولي مقلقني هاليومين مره .. خصوصاً عقب الي صارلي امس .. تخيلوا ولد عمتي الي بسادس إبتدائي .. أمس يوم جا يسلم علي .. جثى على ركبتيه عشان يجي طولي معاناة قزم Icon9

..
توني استوعب وش قد أنا ( . ) بالحياة ..
ولعل هذا الموضوع تنفيس عن ما بداخلي من كبت قصري معاناة قزم Smail

..

ثمة أمراً غريب..!! ماهذا الكائن الغريب؟! .. عجبي..!! اهو انسان؟!
هذي الكلمات نطقت بها الممرضه الفلبينيه اول ماشافتني .. ومن يومها وانا داري اني عاهه اللهم ياكافي .. يعني فلبينيه تقول عني كذا وش خلت لرجال باقي الدول؟! .. من يوم سمعت كلامها وانا داري ان عمري بيآصل 21 .. وللحين اركب سيسي .. للحين ادخل ملاهي الروضه مع امي وخواتي .. للحين شغالتنا تدخل معي للحمام .. للحين اركب سيكل ابوثلاث كفرات .. للحين اركب ورى مع السواق .. للحين ألبس ثياب الدفه ... للحين ما اعرف شي اسمه مقوصر .. للحين اختي الكبيره تنقي لي ملابسي .. للحين ابوي يشيلني ويحطني على فراشي إذا نمت بالسياره .. للحين الشغالة تربط جزمتي .. للحين آخذ معي خبزة جبن وعصير الربيع حتى وأنا بالجامعه .. للحين ابوي يسكتني بريالين إذا زعلت .. للحين امي تقولي متى تكبر واشوفك رجال .. للحين شغالتنا تنام معي بنفس الغرفه .. للحين للحين للحين للحين .. طبعاً تطول اللحينات لين بكره معاناة قزم Icon9

... أن عانيت في حياتي وما زلت أعاني .. فمثلاً البارح كنت رايح الصبحية لغرناطة اشتري جزمة " الله يكرمكم " .. فدخلت مع البوابة متجه لمحل ( ألدو ) .. وأنا في طريقي للمحل .. فجأة مسك يدي السكيورتي .. وقالي وش أسمك ياحبيبي؟! .. الشهادة لله لوهله أنا شكيت انه يبيني في شي شين .. لكن سرعان ماتذكرت اني عفط .. فسميت بالله عليه عشان يبعد .. لكن ظل الرجال يبربر .. أنت جاي مع بابا؟! .. ولا جاي مع ماما؟! ... وأنا ابي اسحب يدي من يده لكن حيل الله اقوى

معاناة قزم Icon9

... شوي خذاني لغرفة الأمن وياليت محد يسميها قسم الأمن .. لأن هذا موضوعي وأنا حر بالي اكتبه(ينافخ القزم معاناة قزم Icon9

) ... شوي ويقعد ينادي بالمكرفونات .. يوجد بقسم الأمن طفل تائه <- يقصد غرفة الأمن .. المواصفات شين وشكل أهله متقصدين يضيعونه .. فقع خوية الي جنبه ضحك .. قال شكلك قلت ان اهله متقصدين يضيعونه عشان يعرفون انفسهم على طول معاناة قزم Icon9

... خطمت عليهم واقعد احلف لهم اني انسان واعي لما يدور حولي ومنيب ضايع .. وبعد اخذ ورد .. اقتنعوا اني بالغ وكبير وفي الحقيقة ماهضموا الأولى .. لكن زي ماقلت موضوعي وأنا حر .. اعتذروا مني ورحت في حال سبيلي للعودة للمحل الي ابي اروح له .. ما ان دخلت المحل .. إلا ويخطم علي الهندي مافيه جزم ولادي .. واسفهه واقعد ادور لي جزمه وهو جنبي .. يحلف ان لوفيه مقاسي في ذا المحل .. انه يترك الشغل .. عقب الحلف اقتنعت انه صادق .. طلعت من المحل وأنا اجرجر رجولي .. وابكي بحسرة على حالي .. وكل الي يمر على بالي تلك الأثناء .. جموع من ربعي رايحين لنفس المحل وقايسين كل الجزم الي فيه " الله يكرمكم " .. ويقولون ياصديق هذا جزمه ضيق معاناة قزم Icon9

.. ويزيد بكائي ونحيبي .. وأنا مغير اتعبر واكتم الصرخات والطعون الي تأتي ورى بعضها .. كنها حبوب سبحه منقطعه .. لأني وأنا طالع من المحل .. إلا ويجيني هندي يشيل بلونات يقولي ابغى بلونه؟! .. انا جيب اثنين بخمس ريال معاناة قزم Icon9

.. وصديت عنه متجه لسيارتي(ادري انكم منتم مقتنعين ان معي سيارة .. بس تكفون حاولوا معاناة قزم Icon9

) ... وأنا في طريقي إلا العودة إلا سيارتي إلا وامر من عند محل نسائي وينتق علي بزر طالع من المحل .. ومعه كورة هوا .. يقولي خل نلعب مع بعض <- والله ياذي جامده .. هذيك اللحظه كنت اتمنى ان امي ماولدتني .. عفوا كنت اتمنى اني ماطلعت نفره في يد امي .. وقشعتني وحطتني بمويه دافية يومين .. لين كبرت .. كم تمنيت اني اكون طفل سوي .. افرح إذا قالت امي كما باقي الأمهات .. ياوليدي أنا احبك .. وشلون ما احبك وانت طالع من هالبطن؟!

معاناة قزم Icon9

... في الحقيقة أخواني انا من عرفت نفسي وأستوعبت اني قزم ... وأنا اتمنى ان امي مانفرت بي <- وين هو له؟! اهه اهه اهه .. تحملوا مصالتي رجائن .. فمازلت انتحب واتحسر على مجد تليد .. نعم مجد تليد .. مجد ابوي وعماني واجدادي .. أنا عار على العائلة .. كلهم عمالقه إلا أنا .. حتى أني قلت لأبوي ذات ليلة ... يبه ليه أنا من بدكم قزم .. قالي ياقزم كل تبن تراك جاي بالغلط وبدون نفس .. عشان كذا طلع فيك خلل .. قلت له وشلون .. قال الظاهر ذيك الليلة امك كانت على جريف .. وما أن لامست يدها .. إلا وخرجت أنت للعالم الخارجي .. اللهم إني استغفرك واتوب إليك <- فكر بالإنتحار وهو يكتب الموضوع .. هذي بعض الأمور الي تحدث معي .. وما خفي كان اعظم .. لكن اذكر ذات ليلة كنت طالع مع عدد من الزملاء وكنا نتسامر .. وفجأة نتقت عليهم وقلت لهم ياعيال ورى مانسافر لكوريا؟! .. ولا هونج كونج؟! .. امصلهم قال لا يارجال مالها داعي نضيعك بين ذا القزمان .. همن وش يفكنا من امك؟! .. خنقتني العبره بشدة .. إذ اني اقترحت عليهم تلكم الدولتين .. عشان مايزلق علي واحد منهم بمثل هالمصاله .. لكن عمري ما تخيلت اني اقصر من الكوريين والهونج كونجيين بعد .. خويي بذيك الكلمة .. هدم اغلى حلم كان عندي .. الحلم الي كان يخليني اتحمس وانا ادرس ... يعني قسم بايخ مثل السياسة ... وش يخليك تتحمس وانت تدرس فيه؟! .. الإنسان السوي مايدخل هالقسم ابد .. انا دخلته عشان اوصل للحلم .. حلمي كان اني اتخرج وترسلني الداخلية اشتغل في سفارتنا هناك .. واستمتع بالذب على الكوريين والهونج كونجيين .. ولكن انهدم الحلم .. كأنهدام السد العالي الي بمصر لو تجيه قنبلة من إسرائيل .. انتم تخيوا الفوضى الي بتصير تلك اللحظة .. كل هذه الفوضى سجلت دخول في قلبي .. واصبحت من المتواجدين الآن .. والي بيزلق ويقول ياملف طيب بالنسبة للمويه الي بتبعثر مصر بسبة انهدام السد العالي .. وشلون بتتواجد عندك؟! .. احب اقوله عيوني ذرفت دموعاً ودماً .. واصبحت ممزق الأشلاء .. هل تخيلتم معاناتي؟! .. صدقوني معاناتي لم تقف عند هذا الحد .. ولن تقف عند أي حد ... فشخص مثلي يتألم من مجرد .. خروجه للشارع .. من مجرد اختلاطه بالناس .. لعلي اذكر لكم قصه اخرى هي حقاً سبب آلامي .. قبل ستة اشهر كنت قد ذهبت مع اخي ووالدي لكي نخطب لأخي الكبير .. المهم أني ذهبت معهم .. ومن هذا المنبر اشكر أخي الي رفع معنوياتي وابا إلا أن آتي معهم .. ولا ابوي كارشني

معاناة قزم Icon9

... تمت الخطبه بنجاح(تحمل صورة أنت؟! اهه اهه اهه معاناة قزم Icon9

) ... وبعد ذلك قمنا بتجاذب اطراف الحديث ولأحقاق الحق لم استطع ان اجذب شيئاً معاناة قزم Icon9

.. بعد مده من اجتذابهم اطراف الحديث .. ألتفت علي والدها قائلاً .. عقبالك ياملف وترى عندي بنت اصغر منك وأنتم نعم العايله .. وتنشرون بالملايين والله .. والنعم فيكم وفي اهل شقراء احسن ناس انتم <- مشكله الي يبي يمدح بالطقاق .. وفعلاً حدثت الكارثة بعد أن ألقى ابيها تلك الكلمات .. إذ ان ابي ضحك بأستهزاء .. فصرح قائلاً: منتب ملزوم تنطل بنتك على واحدن وصل ال( 21 ) .. وهو مابعد بلغ .. اصبت بنوبة قلبيه حاده + غيبوبه شديده .. لم افق منها إلا بعد ان اشطرت على الدكاتره .. أن اكون عارياً فيدخل علي والدي .. ليتحقق من مسألة بلوغي شخصياً .. وفعلاً وافق ابي على ذلك الشرط ليس حباً فيني .. ولكنه توهق بقومة الصبحية عشان يودي اختي للدوام ..
وعلى العموم كل ما أتمناه أن تكون هذه الأمور من الذكريات ..
لأني قررت اسوي عملية تطويل جسم .. ولو مافيه عملية زي ذي ...
صدقوني بخترع هالعملية بأي طريقة ....
وفي النهاية أحب أن أقول يا أعزائي أن هذه ..
المآسي ليست سوا غيض من فيض .. وما في الصدور يُدخل القبور ..
وياليت تواسوني كلكم .. وتقولون لي ...
لايرجال تراك حاقر نفسك بزياده .. تراك اطول من ماتتصور ..
حقائق ملموسة تأكد أني بالغ:
1-اقسم بالله اني بالغ .. والدليل ظهور طفح جلدي لونه اسود في مناطق متعدده من الجسد ...
2-محد قال أن كل القزمان مابلغوا .. اغلبهم بالغين وأنا على رأس القائمة ..

يقول الشاعر:
لاتحقرن صغيراً في مطارحتن ### إن البعوضة تدمي مقلة الأسدي

<- باين اني حسيت انكم بتشطبون عضويتي معاناة قزم Smail

..
الموضوع برعاية جزم ألدو النسائية .. تحت شعار مع الكعب لادموع بعد اليوم ..
نشوفكم على خير....

[size=7][size=16][منقول[/size]

sunny